Morning Prayer

Khursachogurt
Bapachye | ani Putachye | ani Povitrotmyachyenanvim. | Amen.


Khursachi kuru
Bhagevont Khursachye + kurven | nivaramkam + amchya Deva | amchya + dusmanantlim.
Bapachye | ani Putachye | ani PovitrOtmyachyenanvim | Amen.

Amchya Bapa, Sorginchya | tujem nanv | povitr zaum | tujem raz yenv | tuji khuxi sorgar zata | toxi sonvsarant zanv.
Amcho dispoddto gras az amkam di | ani ami amcher chuklolyank bhogxitanv | toxem amchim patkam bhogos | ani amka tallnnent poddunk dinvnaka | punn vayttantlim amkam nivar. | Amen.

Nomon Moriye, kurpenbhorlolye | Somi tujyesangata | striyambhitor tum sodenv | ani sodenvi foll tujye kuxichem, Jezu.
Bhagevonti Moriye, Devachye Maye | amam papiam khatir vinoti kor | atam ani amchya mornnachye kallim | Amen.

Mohima Bapak | ani Putak | ani Povitr Otmyak; zoxiadim | toxichatam | ani sodamsorvodam| Amen.

Sorvespora Deva, | tum ekloch Dev | ani eka Deva thoim teg zonn | Bap,Put ani Povitr Otmo mhonn | hanv thir sotmandtam | tuzo doyvik Put monis zalo | ani amchya patkamkhatir melo | ani jivyanchi ani melolyanchi mun’subi korunk yetolo mhonn hanv sotmandtam. | Him sotam | ani Katolic Povitrsobha xikoytatim sorvsotam | hanv sotmandtam ani uchartam. | kityak tum sasnnik sot ani zannvay | ani tunvem tim ugddapim kelyant; tum fottoynany va fottvonpoddonany | Hya bhavaddtant jiyenvk ani morunk | hanv khuxi vhortam. | Amen.

Sorvespora Deva, | tujye kurpen sorv mhojya patkanchem bhogsonnem | ani hye jinniye uprant| sasnnik sukh zoddtolom / limmhonn | hanv bhorvostam, | kityak tum sorvpodvedar, vixvaxi, doyall ani kakulltdar| ani tunvem tem bhasaylam.| Hya bhorvoxyant jiyenvk ani morunk | hanv khuxi vhortam. | Amen.

Sorvespora Deva, | sorv vostum pras chodd hanv tuzo mog kortam | ani tujye pasot | mhojya pelyacho hanv mog kortam, | kityak tum vorto, oporimit ani sorvboro | ani sorv mog tuka favo. | Hya mogant jiyenvk ani morunk | hanv khuxi vhortam. | Amen.

Mhojya Deva, | Sogllya mhojya kallzan | sorv mhojya patkanchi hanv dukh dhortam | ani tim kanttalltam, | kityak tanchye vorvim | tuji nitichi xikxa mhaka favo zali, punn chodd korun | tuka bhov borya |ani sorv vostum pras chodd mog favo zalolya Devak hanvem okman kelo. |Dekun tujye kurpechya adharan | ani mukar patok korina mmhonn | ani patkache somoye chukoytolom / lim mhonn |thir nichev kortam| Amen.

Sotmantam Devak, | Sorv podvedara Bapak, | Sorga ani pritumechya rochnnarak; | ani Jezu Kristak, | tachya eklyach Putak, amchya Somyak;| To Povitr Otmya vorvim gorbim sombovlo,|Ankvar Moriye vorvim zolmolo | Pons Pilata khal tannem koxtt sosle, | taka khursar zoddlo,| to melo, ani taka nikepilo | to melolyam modem denvlo, | tisrya disa melolyantlo punar-jivontzalo | sorgar choddlo, sorv podvedar Deva Bapachya ujvyakbosla | thoim thavn jivyamchi ani melolyanchi mun’subi korunk yetolo. Sotmantam Povitr Otmyak | katolik povitr sobhek, | bhoktancho ektar,|patkanchem bhogsonnem, kuddichem punar-jivontponn, | sasnnachem jivit. | Amen.

Eklo : Somyachya bhoddvyan Moriyek bori khobor haddli.
Sorvam : Ani Povitr Otmya vorvim ti gorbest zali.
Nomon Moriye kurpen bhorlolye...

Eklo : Oblle | Somyachi chakorn.
Sorvam :Tujya sobda pormannem | mhojye thomy zanv.
Nomon Moriye...

Eklo : Ani Devacho put monis zalo.
Sorvam : Ani amchye modhem jiyelo.
NomonMoriye...

Eklo : Bhagevonti Devachye maye, | amam pachot vinoti kor.
Sorvam : Kristachyo bhasavnnyo amkam favo janvchye khatir.


Prarthumya
Somya | Bhoddvyan bori khobor dilolye vorvim tujya putan, Kristan, | monxaponn ghetlolem ami zanna zalyanv. Tachya koxttam ani khursa vorvim,|jivontponnachya onondak ami pavoxem, | tuji kurpa amchya ontoskornnam’nim vot mhonn, ami magtanv. | Tyach Krista amchya Somya marifat. | Amen.
Mohima Bapak... (tin pavttim)

i) Sorgachye Ranniye Ul’las pav.
Al’leluya
ii) Kityak zaka tum vhavonvnk favo zal’liy.
Al’leluya
iii) To apnnem sanglolye porim jivontzala.
Al’leluya
iv) Ama pasot deva lagim mag.
Al’leluya
v) Sontos ani ul’las pav | Ankvar Moriye.
Al’leluya
vi) Kityak Somi khoroch jivontzala.
Al’leluya

Prarthumya
Deva, | tujya puta amchya Somya Jezu Kristachya jivontponnavorvim, | sonvsar sontosanvk tuvem doya keli; tachye maye, Ankvar Moriye marifat | sasnnachye jinniyecho sontos amkam laboso kor mhonn ami magtanv. |Tyach Krista amchya somya marifat. | Amen.

Devagelya bhoddvya, mhojya Raknnya, |Sorginchye doyen mhaka dila/ dilya tujye taben | mhoji mot uzvadday, | mhaka rak, samball ani choloy | Amen.

Sasnnacho vixev di tankam Somya, | ani nirontor prokas tancher fankundi, | somadanant tim vixevghenvdit. | Amen.

Mhojya Deva, mhojya sayba, | hanv tujya pamyam poddtam, hanv tuka orgam ditam, | ontos kornni nomoskar kortam, | vhodd tuzo upkar mandtam, | kityak tunvem mhaka rochlo/rochli mhonn, |niz kristanv kelo/keli mhonn; az poryan samballo/samballi mhonn.| zoxi bori rat dili, toso boro dis di Sayba |( zoso boro dis dilo, toxibori rat di Sayba) | mhozo otmo mhoji kudd, tujya hatant ditam | mhojim chitnam, mhoje sobd, | mhoje aychya disache (aychye ratiche) koxtt ani kornnyo, | tuka somorpitam, tujya vhodda manak, mhojya patkamchya farik ponnak, mhojya Jezu, tujya khursachya koxttanchya ani mornnachya punyampasot | bhogxi mhojim somest patkam, | mhoji patkyachi kakullt kor. Deva, Povitr Otmya, | di Sayba, tuji kurpa aychyadisa /(aychyerati) patkant hanvem poddona zanvchyak, | tuje upodes sambhallunk, mhoje kayde pallunk, | mhoji patkyachi kakullt kor, |mhaka patkyak bhogxi.

Sorvpodvedar Devak | ani tumkam, bhavam-bhoynnimno | mhozo gunyanv ucharun sangtam: monan chintun | ani tonddan ucharun | vaitt korun ani borem soddun | hanvem zaytim patkam kelyant | Ho mhozo oprad | ho mhozo oprad | ho mhozo bhovvhodd oprad. | Hya pasot | bhagevont sodanch Ankvar Moriyek | sogllya Devdutank ani Bhoktank | ani tumkam, bhavam - bhoynnimno| mhojye khatir | amchya Sorvespora Deva lagim | vinoti koratmhonn | prarthunmagtam.

Nomon Ranniye, kakulltichye maye; | nomon amchya jiva, amruta ani bhorvoxa, tuka ami ulo martanv, ami pordexi Evechim ballkam. | Hya dukhachya konddant astam | haskar huskar soddtanv. | Tor tum amchye xekaye, | te tujye kakulltiche dolle amchye voir porti | ani hya pordexa uprant | tujye kuxichem sodenvi foll, Jezu, amkam dakoy. | E doyalli, E mogalli, E dulobi Ankvari Moriye.
Eklo : Bhagevonti Devachye Maye, ama pasotvinoti kor
Sorvam : Kristachyo bhasavnnyo amkam favo zanvchye khatir