Morning Prayer

ಖುರ್ಸಾಚೊ ಘುರ್ತ್
ಬಾಪಾಚ್ಯೆ | ಆನಿ ಪುತಾಚ್ಯೆ | ಆನಿ ಪವಿತ್ರ್ಅತ್ಮ್ಯಾಚ್ಯೆ ನಾಂವಿಂ. | ಆಮೆನ್.

ಭಾಗೆವಂತ್ ಖುರ್ಸಾಚಿ ಕುರು
ಭಾಗೆವಂತ್ ಖುರ್ಸಾಚ್ಯೆ + ಕುರ್ವೆನ್| ನಿವಾರ್ ಆಮ್ಕಾಂ + ಆಮ್ಚ್ಯಾ ದೆವಾ | ಆಮ್ಚ್ಯಾ + ದುಸ್ಮಾನಾಂತ್ಲಿಂ.
ಬಾಪಾಚ್ಯೆ | ಆನಿ ಪುತಾಚ್ಯೆ | ಆನಿ ಪವಿತ್ರ್ ಅತ್ಮ್ಯಾಚ್ಯೆ ನಾಂವಿಂ.|ಆಮೆನ್.

ಆಮ್ಚ್ಯಾ ಬಾಪಾ, ಸರ್ಗಿಂಚ್ಯಾ | ತುಜೆಂ ನಾಂವ್ ಪವಿತ್ರ್ ಜಾಂವ್ | ತುಜೆಂ ರಾಜ್ ಆಮ್ಕಾಂ ಯೆಂವ್| ತುಜಿ ಖುಶಿ ಸರ್ಗಾರ್ ಜಾತಾ, | ತಶಿ ಸಂಸಾರಾಂತ್ ಜಾಂವ್.
ಆಮ್ಚೊ ದಿಸ್ಪಡ್ತೊ ಗ್ರಾಸ್ ಆಜ್ಆಮ್ಕಾಂ ದಿ, | ಆನಿ ಆಮಿ ಆಮ್ಚೆರ್ ಚುಕ್ಲಲ್ಯಾಂಕ್ ಭಗ್ಶಿತಾಂವ್, | ತಶೆಂ ಆಮ್ಚಿಂ ಪಾತ್ಕಾಂ ಭಗಸ್. | ಆನಿ ಆಮ್ಕಾಂ ತಾಳ್ಣೆಂತ್ ಪಡುಂಕ್ ದಿಂವ್ ನಾಕಾ ಪುಣ್ ವಾಯ್ಟಾಂತ್ಲಿಂ ಆಮ್ಕಾಂ ನಿವಾರ್ | ಆಮೆನ್.

ನಮನ್ ಮರಿಯೆ, ಕುರ್ಪೆನ್ ಭರ್ಲಲ್ಯೆ| ಸೊಮಿ ತುಜ್ಯೆ ಸಾಂಗಾತಾ, | ಸ್ತ್ರಿಯಾಂ ಭಿತರ್ ತುಂ ಸದೆಂವ್, | ಆನಿ ಸದೆಂವಿ ಫಳ್ ತುಜ್ಯೆ ಕುಶಿಚೆಂ, ಜೆಜು.
ಭಾಗೆವಂತಿ ಮರಿಯೆ, ದೆವಾಚ್ಯೆ ಮಾಯೆ, | ಆಮಾ ಪಾಪ್ಯಾಂ ಖಾತಿರ್ ವಿನತಿ ಕರ್, | ಆತಾಂ ಆನಿ ಆಮ್ಚ್ಯಾ ಮರ್ಣಾಚ್ಯೆ ಕಾಳಿಂ.|ಆಮೆನ್.

ಮಹಿಮ್ ಬಾಪಾಕ್ | ಆನಿ ಪುತಾಕ್ | ಆನಿ ಪವಿತ್ರ್ ಆತ್ಮ್ಯಾಕ್;
ಜಶಿ ಆದಿಂ | ತಶಿಚ್ ಆತಾಂ | ಆನಿ ಸದಾಂ ಸರ್ವದಾಂ. | ಆಮೆನ್.

ಸರ್ವೆಸ್ಪರಾ ದೆವಾ, | ತುಂ ಎಕ್ ಚ್ ದೇವ್ | ಆನಿ ಎಕಾ ದೆವಾ ಥಂಯ್ ತೇಗ್ ಜಣ್, | ಬಾಪ್, ಪೂತ್ ಆನಿ ಪವಿತ್ರ್ ಅತ್ಮೊ ಮ್ಹಣ್| ಹಾಂವ್ ಥಿರ್ ಸತ್ಮಾನ್ತಾಂ. | ತುಜೊ ದೈವಿಕ್ ಪೂತ್ ಮನಿಸ್ ಜಾಲೊ| ಆನಿ ಆಮ್ಚ್ಯಾ ಪಾತ್ಕಾಂ ಖಾತಿರ್ ಮೆಲೊ| ಆನಿ ಜಿವ್ಯಾಂಚಿ ಆನಿ ಮೆಲ್ಲ್ಯಾಂಚಿ ಮನ್ಸುಬಿ ಕರುಂಕ್ ಯೆತಲೊ ಮ್ಹಣ್ | ಹಾಂವ್ ಸತ್ಮಾನ್ತಾಂ. | ಹಿಂ ಸತಾಂ |ಆನಿ ಕಥೊಲಿಕ್ ಪವಿತ್ರ್ ಸಭಾ ಶಿಕಯ್ತಾ ತಿಂ ಸರ್ವ್ ಸತಾಂ| ಹಾಂವ್ ಸತ್ಮಾಂದ್ತಾಂ | ಕಿತ್ಯಾಕ್ ತುಂ ಸಾಸ್ಣಿಕ್ ಸತ್ ಆನಿ ಜಾಣ್ವಾಯ್ | ಆನಿ ತುವೆಂ ತಿಂ ಉಗ್ಡಾಪಿಂ ಕೆಲ್ಯಾಂತ್;| ತುಂ ಫಟಯ್ನಾಂಯ್ ವಾ ಫಟ್ವುನ್ ಪಡನಾಂಯ್. | ಹ್ಯಾ ಭಾವಾಡ್ತಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ. | ಆಮೆನ್.

ಸರ್ವೆಸ್ಪರಾ ದೆವಾ, | ತುಜ್ಯೆ ಕುರ್ಪೆನ್ | ಸರ್ವ್ ಮ್ಹಜ್ಯಾ ಪಾತ್ಕಾಂಚೆಂ ಭಗ್ಸಣೆಂ | ಆನಿ ಹ್ಯೆ ಜಿಣಿಯೆ ಉಪ್ರಾಂತ್ | ಸಾಸ್ಣಿಕ್ ಸುಖ್ ಜೊಡ್ತಲೊಂ/ಲಿಂ ಮ್ಹಣ್ | ಹಾಂವ್ ಭರ್ವಸ್ತಾಂ, | ಕಿತ್ಯಾಕ್ ತುಂ ಸರ್ವ್ ಪದ್ವೆದಾರ್, ವಿಸ್ವಾಶಿ, ದಯಾಳ್ ಆನಿ ಕಾಕುಳ್ತ್ದಾರ್ | ಆನಿ ತುವೆಂ ತೆಂ ಭಾಸಾಯ್ಲಾಂ. | ಹ್ಯಾ ಭರ್ವಶ್ಯಾಂತ್ ಜಿಯೆಂವ್ಕ್ ಆನಿ ಮರುಂಕ್ | ಹಾಂವ್ ಖುಶಿ ವ್ಹರ್ತಾಂ. | ಆಮೆನ್.

ಸರ್ವೆಸ್ಪರಾ ದೆವಾ, | ಸರ್ವ್ ವಸ್ತುಂ ಪ್ರಾಸ್ ಚಡ್ | ಹಾಂವ್ ತುಜೊ ಮೋಗ್ ಕರ್ತಾಂ | ಆನಿ ತುಜ್ಯೆ ಪಾಸತ್ | ಮ್ಹಜ್ಯಾ ಪೆಲ್ಯಾಚೊ ಹಾಂವ್ ಮೋಗ್ ಕರ್ತಾಂ, | ಕಿತ್ಯಾಕ್ ತುಂ ವರ್ತೊ, ಅಪರಿಮಿತ್ ಆನಿ ಸರ್ವ್ ಬರೊ | ಆನಿ ಸರ್ವ್ ಮೋಗ್ ತುಕಾ ಫಾವೊ | ಹ್ಯಾ ಮೊಗಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ | ಆಮೆನ್.

ಮ್ಹಜ್ಯಾ ದೆವಾ, | ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ | ಸರ್ವ್ ಮ್ಹಜ್ಯಾ ಪಾತ್ಕಾಂಚಿ ಹಾಂವ್ ದುಖ್ ಧರ್ತಾಂ | ಆನಿ ತಿಂ ಕಾಂಟಾಳ್ತಾಂ,| ಕಿತ್ಯಾಕ್ ತಾಂಚ್ಯೆ ವರ್ವಿಂ | ತುಜಿ ನಿತಿಚಿ ಶಿಕ್ಷಾ ಮ್ಹಾಕಾ ಫಾವೊ ಜಾಲಿ, | ಪೂಣ್ ಚಡ್ ಕರುನ್ | ತುಕಾ‌ ಭೊವ್ ಬರ್ಯಾ | ಆನಿ ಸರ್ವ್ ವಸ್ತುಂ ಪ್ರಾಸ್ ಚಡ್ ಮೋಗ್. ಫಾವೊ ಜಾಲ್ಲ್ಯಾ ದೆವಾಕ್ | ಹಾಂವೆಂ ಅಕ್ಮಾನ್ ಕೆಲೊ. | ದೆಕುನ್ ತುಜ್ಯೆ ಕುರ್ಪೆಚ್ಯಾ ಆಧಾರಾನ್ | ಆನಿ ಮುಕಾರ್ ಪಾತಕ್ ಕರಿನಾಂ ಮ್ಹಣ್ | ಆನಿ ಪಾತ್ಕಾಚೆ ಸಮಯೆ ಚುಕಯ್ತಲೊಂ/ಲಿಂ ಮ್ಹಣ್ | ಥಿರ್ ನಿಚೆವ್ ಕರ್ತಾಂ | ಆಮೆನ್.

ಸತ್ಮಾಂದ್ತಾಂ ದೆವಾಕ್, | ಸರ್ವ್ ಪದ್ವೆದಾರಾ ಬಾಪಾಕ್, | ಸರ್ಗಾ ಆನಿ ಪ್ರಿತುಮಿಚ್ಯಾ ರಚ್ಣಾರಾಕ್; | ಆನಿ ಜೆಜು ಕ್ರಿಸ್ತಾಕ್, | ತಾಚ್ಯಾ ಎಕ್ಲ್ಯಾಚ್ ಪುತಾಕ್, ಆಮ್ಚ್ಯಾ ಸೊಮ್ಯಾಕ್; | ತೊ ಪವಿತ್ರ್ ಅತ್ಮ್ಯಾ ವರ್ವಿಂ ಗರ್ಭಿಂ ಸಂಭವ್ಲೊ, | ಆಂಕ್ವಾರ್ ಮರಿಯೆ ಥಾವ್ನ್ ಜಲ್ಮಲೊ. | ಪೊನ್ಸ್ ಪಿಲಾತಾ ಖಾಲ್ ತಾಣೆಂ ಕಷ್ಟ್ ಸೊಸ್ಲೆ, | ತಾಕಾ ಖುರ್ಸಾರ್ ಜೊಡ್ಲೊ,|ತೊ ಮೆಲೊ, ಆನಿ ತಾಕಾ ನಿಕೆಪಿಲೊ. | ತೊ ಮೆಲ್ಲ್ಯಾಂ ಮಧೆಂ ದೆಂವ್ಲೊ, | ತಿಸ್ರ್ಯಾ ದಿಸಾ ಮೆಲ್ಲ್ಯಾಂತ್ಲೊ ಪುನರ್ ಜಿವಂತ್ ಜಾಲೊ.|ಸರ್ಗಾರ್ ಚಡ್ಲೊ, ಸರ್ವ್ ಪದ್ವೆದಾರ್ ದೆವಾ ಬಾಪಾಚ್ಯಾ ಉಜ್ವ್ಯಾಕ್ ಬಸ್ಲಾ. | ಥಂಯ್ ಥಾವ್ನ್ ಜಿವ್ಯಾಂ ಆನಿ ಮೆಲ್ಲ್ಯಾಂಚಿ ಮುನ್ಸುಬಿ ಕರುಂಕ್ ಯೆತಲೊ.
ಸತ್ಮಾನ್ತಾಂ ಪವಿತ್ರ್ ಅತ್ಮ್ಯಾಕ್, | ಕಥೊಲಿಕ್ ಪವಿತ್ರ್ ಸಭೆಕ್, | ಭಕ್ತಾಂಚೊ ಎಕ್ತಾರ್, | ಪಾತ್ಕಾಂಚೆಂ ಭಗ್ಸಣೆಂ, ಕುಡಿಚೆಂ ಪುನರ್ಜಿವಂತ್ಪಣ್,|ಸಾಸ್ಣಾಚೆಂ ಜಿವಿತ್. | ಆಮೆನ್.

V: ಸೊಮ್ಯಾಚ್ಯಾ ಭಡ್ವ್ಯಾನ್ ಮರಿಯೆಕ್ ಬರಿ ಖಬರ್ ಹಾಡ್ಲಿ
R: ಆನಿ ಪವಿತ್ರ್ ಅತ್ಮ್ಯಾ ವರ್ವಿಂ ತಿ ಗರ್ಭೆಸ್ತ್ ಜಾಲಿ (ನಮನ್ ಮರಿಯೆ)
V: ಆಬ್ಳೆ! ಸೊಮ್ಯಾಚಿ ಚಾಕರ್ನ್
R: ತುಜ್ಯಾ ಸಬ್ದಾ ಪರ್ಮಾಣೆಂ | ಮ್ಹಜ್ಯೆ ಥಂಯ್ ಜಾವ್ (ನಮನ್ ಮರಿಯೆ)
V: ಆನಿ ದೆವಾಚೊ ಪೂತ್ ಮನಿಸ್ ಜಾಲೊ
R: ಆನಿ ಆಮ್ಚ್ಯೆ ಮಧೆಂ ಜಿಯೆಲೊ (ನಮನ್ ಮರಿಯೆ)
V: ಭಾಗೆವಂತಿ ದೆವಾಚ್ಯೆ ಮಾಯೆ | ಆಮಾ ಪಾಸತ್ ವಿನತಿಕರ್
R: ಆನಿ ಕ್ರಿಸ್ತಾಚ್ಯೊ ಭಾಸಾವ್ಣ್ಯೊ, ಆಮ್ಕಾಂ ಫಾವೊ ಕರ್

ಪ್ರಾರ್ಥುಂಯಾ:
ಏ ಸೊಮ್ಯಾ, | ಭಡ್ವ್ಯಾನ್ ಬರಿ ಖಬರ್ ದಿಲ್ಲ್ಯೆ ವರ್ವಿಂ ತುಜ್ಯಾ ಪುತಾನ್, ಕ್ರಿಸ್ತಾನ್, | ಮನ್ಶಾಪಣ್ ಘೆತ್ಲ್ ಲ್ಲೆಂ ಆಮಿ ಜಾಣಾ ಜಾಲ್ಯಾಂವ್. ತಾಚ್ಯಾ ಕಷ್ಟಾಂ ಆನಿ ಖುರ್ಸಾ ವರ್ವಿಂ, | ಪುನರ್ ಜಿವಂತ್ಪಣಾಚ್ಯಾ ಆನಂದಾಕ್ ಆಮಿ ಪಾವಶೆಂ | ತುಜಿ ಕುರ್ಪಾ ಆಮ್ಚ್ಯಾ ಅಂತಸ್ಕರ್ನಾಂನಿ ವೋತ್ ಮ್ಹಣ್ | ಆಮಿ ಮಾಗ್ತಾಂವ್ | ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ಮಾರಿಫಾತ್ | ಆಮೆನ್.
ಮಹಿಮಾಬಾಪಾಕ್ ... (ತೀನ್ ಪಾವ್ಟಿಂ)

V: ಸರ್ಗಾಚ್ಯೆ ರಾಣಿಯೆ, ಉಲ್ಲಾಸ್ ಪಾವ್,
ಆಲ್ಲೆಲೂಯಾ.
V: ಕಿತ್ಯಾಕ್ ಜಾಕಾ ತುಂ ವ್ಹಾವೊಂವ್ಕ್ ಫಾವೊ ಜಾಲ್ಲಿಯ್,
ಆಲ್ಲೆಲೂಯಾ.
V: ತೊ ಆಪ್ಣೆಂ ಸಾಂಗ್ಲಲ್ಯೆ ಪರಿಂ ಜಿವಂತ್ ಜಾಲಾ,
ಆಲ್ಲೆಲೂಯಾ.
V: ಆಮಾ ಪಾಸತ್ ದೆವಾ ಲಾಗಿಂ ಮಾಗ್,
ಆಲ್ಲೆಲೂಯಾ.
V: ಸಂತೊಸ್ ಆನಿ ಉಲ್ಲಾಸ್ ಪಾವ್ | ಆಂಕ್ವಾರ್ ಮರಿಯೆ,
ಆಲ್ಲೆಲೂಯಾ.
V: ಕಿತ್ಯಾಕ್ ಸೊಮಿ ಖರೊಚ್ ಜಿವಂತ್ ಜಾಲಾ.
ಆಲ್ಲೆಲೂಯಾ.
ಪ್ರಾರ್ಥುಂಯಾ:
ಏ ದೆವಾ, | ತುಜ್ಯಾ ಪುತಾ ಆಮ್ಚ್ಯಾ ಸೊಮ್ಯಾ ಜೆಜು ಕ್ರಿಸ್ತಾಚ್ಯಾ ಪುನರ್ಜಿವಂತ್ಪಣಾ ವರ್ವಿಂ, | ಸಂಸಾರ್ ಸಂತೊಸಾಂವ್ಕ್ ತುವೆಂ ದಯಾ ಕೆಲಿ;| ತಾಚ್ಯೆ ಮಾಯೆ, ಆಂಕ್ವಾರ್ ಮರಿಯೆ ಮಾರಿಫಾತ್, | ಸಾಸ್ಣಾಚ್ಯೆ ಜಿಣಿಯೆಚೊ ಸಂತೊಸ್ ಆಮ್ಕಾಂ ಲಾಬಸೊ ಕರ್ ಮ್ಹಣ್ ಆಮಿ ಮಾಗ್ತಾಂವ್. | ತ್ಯಾಚ್ ಕ್ರಿಸ್ತಾ, ಆಮ್ಚ್ಯಾ ಸೊಮ್ಯಾ ಮಾರಿಫತ್. | ಆಮೆನ್.
ಮಹಿಮಾ ಬಾಪಾಕ್... (ತೀನ್ ಪಾವ್ಟಿಂ)

ದೆವಾಗೆಲ್ಯಾ ಭಡ್ವ್ಯಾ, ಮ್ಹಜ್ಯಾ ರಾಕ್ಣ್ಯಾ, | ಸರ್ಗಿಂಚ್ಯೆ ದಯೆನ್ ಮ್ಹಾಕಾ ದಿಲಾ ತುಜೆ ತಾಬೆನ್ | ಮ್ಹಜಿ ಮತ್ ಉಜ್ವಾಡಾಯ್ | ಮ್ಹಾಕಾ ರಾಕ್, ಸಾಂಬಾಳ್ ಆನಿ ಚಲಯ್ | ಆಮೆನ್.

ಸಾಸ್ಣಾಚೊ ವಿಶೆವ್ ದಿ ತಾಂಕಾಂ ಏ ಸೊಮ್ಯಾ, | ಆನಿ ನಿರಂತರ್ ಪ್ರಕಾಸ್ ತಾಂಚೆರ್ ಫಾಂಕುಂದಿ, | ಸಮಾಧಾನಾಂತ್ ತೆ ವಿಶೆವ್ ಘೆಂವ್ದಿತ್. ಆಮೆನ್.

ಮ್ಹಜ್ಯಾ ದೆವಾ, ಮ್ಹಜ್ಯಾ ಸಾಯ್ಬಾ, | ಹಾಂವ್ ತುಜ್ಯಾ ಪಾಂಯಾಂಕ್ ಪಡ್ತಾಂ, | ಹಾಂವ್ ತುಕಾ ಅರ್ಗಾಂ ದಿತಾಂ, | ಅಂತಸ್ಕರ್ನಿಂ ನಮಸ್ಕಾರ್ ಕರ್ತಾಂ,| ವ್ಹಡ್ ತುಜೊ ಉಪ್ಕಾರ್ ಮಾನ್ತಾಂ,| ಕಿತ್ಯಾಕ್ ತುವೆಂ ಮ್ಹಾಕಾ ರಚ್ಲೊ ಮ್ಹಣ್, | ನೀಜ್ ಕ್ರಿಸ್ತಾಂವ್ ಕೆಲೊ ಮ್ಹಣ್; ಆಜ್ ಪರ್ಯಾನ್ ಸಾಂಬಾಳ್ಳೊ ಮ್ಹಣ್,| ಜಶಿ ಬರಿ ರಾತ್ ದಿಲಿ,| ತಸೊ ಬರೊ ದೀಸ್ ದಿ ಸಾಯ್ಬಾ| (ಜಸೊ ಬರೊ ದೀಸ್ ದಿಲೊ, ತಶಿ ಬರಿ ರಾತ್ ದಿ ಸಾಯ್ಬಾ) ಮ್ಹಜೊ ಅತ್ಮೊ, ಮ್ಹಜಿ ಕೂಡ್, ತುಜ್ಯಾ ಹಾತಾಂತ್ ದಿತಾಂ | ಮ್ಹಜಿಂ ಚಿಂತ್ನಾಂ, ಮ್ಹಜೆ ಸಬ್ದ್, | ಮ್ಹಜೆ ಆಯ್ಚ್ಯಾ ದಿಸಾಚೆ (ಆಯ್ಚ್ಯೆ ರಾತಿಚೆ) ಕಷ್ಟ್ ಆನಿ ಕರ್ನ್ಯೊ, | ತುಕಾ ಸಮರ್ಪಿತಾಂ, ತುಜ್ಯಾ ವ್ಹಡಾ ಮಾನಾಕ್, ಮ್ಹಜ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾಕ್. ಮ್ಹಜ್ಯಾ ಜೆಜು, | ತುಜ್ಯಾ ಖುರ್ಸಾಚ್ಯಾ, ಕಷ್ಟಾಂಚ್ಯಾ ಆನಿ ಮರ್ಣಾಚ್ಯಾ ಪುನ್ಯಾ ಪಾಸತ್ | ಭಗ್ಶಿ ಮ್ಹಜಿಂ ಸಮೆಸ್ತ್ ಪಾತ್ಕಾಂ, | ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್. ದೆವಾ, ಪವಿತ್ರ್ ಅತ್ಮ್ಯಾ, | ದಿ ಸಾಯ್ಬಾ, ತುಜಿ ಕುರ್ಪಾ ಆಯ್ಚ್ಯಾ ದಿಸಾ (ಆಯ್ಚ್ಯೆರಾತಿಂ) ಪಾತ್ಕಾಂತ್ ಹಾಂವೆಂ ಪಡನಾ ಜಾಂವ್ಚ್ಯಾಕ್, | ತುಜೆ ಉಪದೆಸ್ ಸಾಂಬಾಳುಂಕ್, ಮ್ಹಜೆ ಕಾಯ್ದೆ ಪಾಳುಂಕ್, | ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್, | ಮ್ಹಾಕಾ ಪಾತ್ಕ್ಯಾಕ್ ಭಗ್ಶಿ.

ಸರ್ವ್ ಪದ್ವೆದಾರ್ ದೆವಾಕ್ ಆನಿ ತುಮ್ಕಾಂ ಭಾವಾಂ ಭಯ್ಣಿಂನೊ, ಮ್ಹಜೊ ಗುನ್ಯಾಂವ್ ಉಚಾರುನ್ ಸಾಂಗ್ತಾಂ, ಮನಾನ್ ಚಿಂತುನ್ ಆನಿ ತೊಂಡಾನ್ ಉಚಾರುನ್, ವಾಯ್ಟ್ ಆದಾರುನ್ ಆನಿ ಬರೆಂ ಸೊಡುನ್, ಹಾಂವೆಂ ಜಾಯ್ತಿಂ ಪಾತ್ಕಾಂ ಕೆಲ್ಯಾಂತ್. (ಆನಿ ಹರ್ದ್ಯಾರ್ಮಾರುನ್) ಹೊ ಮ್ಹಜೊ ಅಪ್ರಾಧ್, ಹೊ ಮ್ಹಜೊ ಅಪ್ರಾಧ್, ಹೊ ಮ್ಹಜೊ ಭೊವ್ ವ್ಹಡ್ ಅಪ್ರಾಧ್. ಹ್ಯಾ ಪಾಸತ್ ಭಾಗೆವಂತ್ ಸದಾಂಚ್ ಆಂಕ್ವಾರ್ ಮರಿಯೆಕ್, ಸಗ್ಳ್ಯಾ ದೇವ್ ದುತಾಂಕ್ ಆನಿ ಭಕ್ತಾಂಕ್ ಆನಿ ತುಮ್ಕಾಂ ಭಾವಾಂಭಯ್ಣಿಂನೊ ಮ್ಹಜ್ಯೆ ಖಾತಿರ್ ಆಮ್ಚ್ಯಾ ಸರ್ವೆಸ್ಪರಾ ದೆವಾ ಲಾಗಿಂ ವಿನತಿ ಕರಾತ್ ಮ್ಹಣ್ ಪ್ರಾರ್ಥುನ್ ಮಾಗ್ತಾಂ.

ನಮನ್ ರಾಣಿಯೆ, ಕಾಕುಳ್ತಿಚ್ಯೆ ಮಾಯೆ; | ನಮನ್ ಆಮ್ಚ್ಯಾ ಜಿವಾ, ಅಮೃತಾ ಆನಿ ಭರ್ವಶಾ, | ತುಕಾ ಆಮಿ ಉಲೊ ಮಾರ್ತಾಂವ್, ಆಮಿ ಪರ್ದೆಶಿ ಎವೆಚಿಂ ಬಾಳ್ಕಾಂ. | ಹ್ಯಾ ದುಖಾಚ್ಯಾ ಕೊಂಡಾಂತ್ ಆಸ್ತಾಂ | ಅಸ್ಕಾರ್ ಹುಸ್ಕಾರ್ ಸೊಡುನ್| ಆಮಿ ತುಕಾ ರುದಾನ್ ಕರ್ತಾಂವ್. | ತರ್ ತುಂ, ಆಮ್ಚ್ಯೆ ಶೆಕಾಯೆ,|ತೆ ತುಜ್ಯೆ ಕಾಕುಳ್ತಿಚೆ ದೊಳೆ ಆಮ್ಚೆ ವಯ್ರ್ ಪರ್ತಿ| ಆನಿ ಹ್ಯಾ ಪರ್ದೆಶಾ ಉಪ್ರಾಂತ್ | ತುಜ್ಯೆ ಕುಶಿಚೆಂ ಸದೆಂವಿ ಫಳ್, ಜೆಜು, ಆಮ್ಕಾಂ ದಾಕಯ್, | ಯೆ ದಯಾಳಿ, ಯೆ ಮೊಗಾಳಿ, ಯೆ ದುಲೊಬಿ ಆಂಕ್ವಾರಿ ಮರಿಯೆ.
V: ಭಾಗೆವಂತಿ ದೆವಾಚ್ಯೆ ಮಾಯೆ, ಆಮಾ ಪಾಸತ್ ವಿನತಿ ಕರ್
R: ಆನಿ ಕ್ರಿಸ್ತಾಚ್ಯೊ ಭಾಸಾವ್ಣ್ಯೊ ಆಮ್ಕಾಂ ಫಾವೊ ಕರ್.

ಏ ಜೆಜುಚ್ಯಾ ದೈವಿಕ್ ಕಾಳ್ಜಾ, | ಆಯ್ಚ್ಯಾ ದಿಸಾಚಿಂ ಸರ್ವ್ ಮ್ಹಜಿಂ ಮಾಗ್ಣಿಂ, ಕಾಮಾಂ ಆನಿ ಕಷ್ಟ್ | ಆಮ್ಚ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾ ಪಾಸತ್|ಆನಿ ಆಲ್ತಾರಿಚ್ಯಾ ಭೊವ್ ಪವಿತ್ರ್ ಸಾಕ್ರಮೆಂತಾಂತ್ ತುವೆಂ ತುಕಾಚ್ ಖಳನಾಸ್ತಾನಾ ಭೆಟೊಂವ್ಚ್ಯಾ ಸಮೆಸ್ತ್ ಇರಾದ್ಯಾಂ ಪಾಸತ್, | ಭಾಗೆವಂತ್ ಆಂಕ್ವಾರ್ ಮರಿಯೆಚ್ಯಾ ಖತಾವಿಣ್ ಕಾಳ್ಜಾ ಮಾರಿಫಾತ್ ಹಾಂವ್ ತುಕಾ ಭೆಟಯ್ತಾಂ. | ಪ್ರತ್ಯೇಕ್ ಜಾವ್ನ್| ಮಾಗ್ಣ್ಯಾಚ್ಯಾ ಇರಾದ್ಯಾಂ ಪಾಸತ್, | ಆನಿ ಪಾಪಾನ್ ಹ್ಯಾ ಮಹಿನ್ಯಾಕ್ ದಾಕೊವ್ನ್ ದಿಲ್ಲ್ಯಾ ಇರಾದ್ಯಾಂ ಪಾಸತ್ | ಹೆಂ ಸರ್ವ್ ಹಾಂವ್ ತುಕಾ ಭೆಟಯ್ತಾಂ. ಸರ್ವ್ ತುಜ್ಯೆ ಪಾಸತ್, ಏ ಜೆಜುಚ್ಯಾ ಭೊವ್ ಪವಿತ್ರ್ ಕಾಳ್ಜಾ| ಏ ಜೆಜುಚ್ಯಾ ದೇವ್ ಕಾಳ್ಜಾ | ತುಜೆಂ ರಾಜ್ಯ್ ಯೆಂವ್.ಆಯ್ಚ್ಯಾ ದಿಸಾಚ್ಯಾ ಮ್ಹಜ್ಯಾ ಮಾಗ್ಣ್ಯಾಂಕ್ ಆನಿ ಬರ್ಯ ಕರ್ನ್ಯಾಂಕ್ ಲಾಗುನ್ ಆಸ್ಚಿ “ಶಿಕ್ಷಾಮಾಫಿ” (ಇಂದುಲ್ಜೆನ್ಸಾಂ) ಜೊಡುಂಕ್, | ಹಾಂವ್ ಖುಶಿ ವ್ಹರ್ತಾಂ. ಸೊಮ್ಯಾ ಜೆಜು, | ತುಜ್ಯಾ ಭೊವ್ ದೈವಿಕ್ ಕಾಳ್ಜಾಚ್ಯೆ ಸಸಾಯೆನ್ ಆಮ್ಚ್ಯಾ ಭೊವ್ ಭಾಗೆವಂತ್ ಪಾಪಾಕ್ ರಾಕ್ ತುಂ ತಾಕಾ ಉಜ್ವಾಡ್, | ಘಟಾಯ್ ಆನಿ ಬುಜವಣ್ ಜಾ.